Lýsa við pakkaferðum, men einki um koronutilmæli

Ferðaskrivstovur lýsa við pakkaferðum til Føroya at halda nýggjár.

- Kom til Føroya 30. desember, gist á hotelli, far til nýggjárshald, og ferðast síðani úr Føroyum nýggjársdag, lýsa tær.

Hóast einki verður sagt í lýsingini um almennu koronutilmælini, sigur stjórin í Make Travel, Kent L. Christensen, at øll ferðandi, sum keypa ferðir frá teimum, verða kunnað um almennu tilmælini. At fara beinleiðis í heimauppihald, til kanningarúrslitið við komu er tøkt, og at vera ansin frá tí, tey koma til landið, til eftir kanningarúrslitið á sætta degi.

Ferðaskrivstovan Greengate hevur tikið sínar lýsingar aftur.

Hoyr innslag í útvarpstíðindunum.