Sálarheilsan verður ikki raðfest

Sálarheilsan hjá børnum og ungum verður als ikki raðfest, sigur felagið Sinnisbati.

Seinasta árið er bíðitíðin á psykiatriska deplinum til ungdóms- og barnapsykiatriina farin úr tveimum mánaðum upp í eitt ár.

Hóast nýggja royndarskipanin um ókeypis sálarfrøðiliga viðgerð til persónar millum 15 til 35 ár er eitt gott stig á leiðini, so eru veikleikar í skipanini.

- Langa bíðitíðin prógvar, at sálarheilsan hjá børnum og ungum als ikki verður raðfest, sigur Laura Apol, aðalskrivari hjá Sinnisbata.