Størri tørvur á psykiatarum enn pengum

- Størri tørvur er á barnapsykiatarum enn pengum.

Tað sigur Kaj Leo Holm Johannesen, landsstýrismaður í heilsumálum, nú bíðilistin til Barnapsykiatriina er longdur munandi seinasta árið.

Eisini felagið Sinnisbati rópar varskó.

Ein nýggj skipan er á veg, sum skal geva fólki millum 15 og 35 ár, ið hava sálarligar avbjóðingar, ókeypis sálarfrøðiliga hjálp.

Landsstýrismaðurin í heilsumálum vónar, at hetta kann hjálpa til at stytta bíðitíðina at sleppa framat hjá Barna- og ungdómspsykiatriini.