Landsstýrismaðurin brúkar tilmæli frá Havstovuni

Landsstýrismaðurin í fiskivinnumálum hevur ásett fiskidagarnar í 2021.

Og hann hevur gjørt júst sum Havstovan mælti til.

Tað var ikki gamalt, at politikarar og fiskifrøðingar draga eina línu. Nú er komin ein nýggj tíð, sigur Jacob Vestergaard, landsstýrismaður.

Ikki ber til at flyta óbrúktar dagar úr einum bólki í ein annan.

Trolarar fáa fleiri dagar

Trolarar fáa 4.605 fiskidagar á innaru leið og 1.607 fiskidagar á ytru leiðini. Fimm prosent fleiri dagar enn í ár.

Hini fiskiførini fáa fimm prosent færri dagar.

Línuskip yvir 110 tons fáa 2.098 fiskidagar, útróðrarbátar í bólki 4, sum eru millum 15 og 110 tons, fáa 2.304 dagar, trolbátarnir fáa 1.505 dagar, og bólkur 5, útróðrarbátar undir 15 tons, fáa 8.435 fiskidagar.

Harafturat eru 2.043 dagar til ikki fullriknar útróðrarbátar.

Hoyr samrøðu við Jacob Vestergaard í útvarpstíðindunum.