Kommunur vilja hava aðra loysn

Kommunurnar vilja ikki vita av uppskotinum um kunngerð frá Vinnumálaráðnum um óljóð frá skipum.

Kommunufelagið hevur tí gjørt eitt uppskot um eina aðra, eina alternativa, loysn.

Uppskotið er í 16 punktum.

Høvuðssjónarmiðið er, at kommunurnar og havnirnar sjálvar semjast um ein felags leist saman við skipunum.

Hvørki lóg ella kunngerð

Kommunufelagið heldur ikki, at ein lóg ella ein kunngerð skal gerast um óljóð frá skipum.

Um semja fæst millum havnir og skipavinnuna um ein leist, verður tað uppskotið lagt fyri landstýrismannin, og heitt verður samstundis á hann um at bíða við ella taka aftur uppskotið um kunngerð um larm frá skipum.

Uppskot eru eisini um arbeiðsbólk og um kærunevnd við tveimum umboðum fyri havnanetverkið og einum fyri skipavinnuna

Torbjørn Jacobsen, borgarstjóri í Runavík og næstformaður í Kommunufelagnum, var í Breddanum í útvarpinum í gjár.