Skúlagjaldið í Bretlandi hækkar munandi

Føroyingar, sum fara undir lestur í Bretlandi eftir summarfrítíðina, skulu gjalda munandi meira í skúlagjaldi.

Í kjalarvørrinum á Brexit, verða føroyingar bólkaðir sum útlendigar, og skulu tí gjalda sum lesandi úr øðrum londum.

Føroyingar, sum fara undir lestur í Skotlandi, fara eisini at merkja broytingar.

50 lesa í Bretlandi

Sambært tølunum hjá Studna, lesa 50 føroyingar í løtuni í Bretlandi, og 13 í Skotlandi.

- Okkurt dømi er um, at útbúgvingin møguliga dýrkar við 100 prosentum. Men enn er vónleyst at siga, akkurát hvussu nógv skulagjøldini fara at hækka.

Tað sigur Jørgen Meitilberg, leiðari á Studna.

Broytingarnar fevna bara um fólk, sum fara undir lestur í Bretlandi og Skotlandi, og ikki tey, sum longu eru undir lestri.

Hoyr innslag í útvarpstíðindunum.