Uppskotið um barsil er ikki nóg greitt

Andstøðuuppskotið um at javnseta samkynd foreldur við hinskynd foreldur í Barsilsskipanini er ov ógreitt.

Tað heldur Kristina Samuelsen, advokatur, sum í nógv ár hevur arbeitt við familjurættarligum málum. Hon er eisini forkvinna í kærunevndini fyri Barsilsskipanina, og hevur verið løgfrøðiligur ráðgevi í løgtinginum.

Er ætlanin at tryggja øllum samkyndum javnrætt í Barsilsskipanini, so má hetta sigast greiðari, enn tað verður gjørt í lógaruppskotinum hjá andstøðuni, heldur Krisina Samuelsen.

Hoyr innslag í útvarpstíðindunum.

Í Breddanum klokkan 17.05 verður ein longri samrøða við Kristinu Samuelsen.