Vóna at Havnará letur uppaftur

26-02-2021

Ein á ger nakað heilt serstakt við ein bý, halda Ingigerð á Trøðni og Poul Michelsen

Tórshavnar Býráð samtykti í gjárkvøldið at fara undir at gera forkanningar í sambandi við at lata Havnará upp aftur.

Til hetta arbeiðið hevur býráðið játtað eina millión krónur, sum skal brúkast til at finna útav, hvussu henda verkætlanin kann ganga fyri seg reint tekniskt.

Ætlanin er í fyrstu atløgu at lata ánna upp á strekkinum millum grótbygningin hjá Betri Banka og oman til Tinghúsvøllin.

Í morgunsendingini hugleiddu Ingigerð á Trøðni og Poul Michelsen um Havnará í miðbýnum.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)