Áhugi fyri leigubústøðum um alt landið

Í gjár var samkoma í Sørvági í sambandi við, at íbúðarbyggingin undir Bólheyggi var liðug. Talan er um fimm íbúðir ella randarhús í einari hædd á umleið 70 fermetrar. Tað er fyritøkan Westtech, ið hevur bygt íbúðirnar fyri Bústaðir. Íbúðirnar liggja væl fyri og hava gott útsýni yvir bygdina og havnalagið.

Bústaðir hava skjótt 15 leigubústaðir í Vágoynni, 10 í Sørvági og 5 í Sandavági. Ætlanin er eisini at byggja í Miðvági.

Á Toftum vóru 10 bústaðir lidnir fyrr í vikuni. Stórur áhuggi er fyri øllum íbúðunum, sigur Andras Róin, stjóri í Bústøðum.