Áseta egna kvotu, um eingin semja fæst

Samráðingarnar um makrelin í apríl verða avgerandi fyri, nær, og hvussu stóra makrelkvotu, Føroyar fara at áseta sær sjálvum.

ES, Noreg og Føroyar hava havt eina avtalu um at fiska makrel, og Bretland, sum nú er strandaland, sigur seg eisini taka undir við avtaluni.

Men tað krevur, at Bretland góðtekur, at føroysk skip sleppa at fiska makrel í bretskum sjógvi, sigur Jacob Vestergaard, landsstýrismaður.

Fæst ikki semja um makrelin, fara Føroyar at áseta sína egnu kvotu, og tað kann ikki ganga ov long tíð, til tað verður gjørt, sigur landsstýrismaðurin.

Hoyr innslag í útvarpstíðindunum.