Ferðaleiðarar og mvg: Umhugsar at broyta lógina

Jørgen Niclasen, landsstýrismaður í fíggjarmálum, stendur spyrjandi, nú TAKS hevur kunngjørt, at ferðaleiðaravirksemi skal rinda meirvirðisgjald.

Týsdagin kunngjørdi TAKS, at eftir ymiskar tulkingar er nú staðfest, at ferðaleiðarar skulu leggja meirvirðisgjald á sítt virksemi.

Í nøkur ár hevur hetta virksemi annars verið tulkað sum mvg-frítt. Síðani varð komið eftir, at tulkingin var ikki bein, og avgerð varð tí tikin um, at mvg skuldi leggjast á.

Í sambandi við kæru um málið, hevur Skatta- og avgjaldskærunevndin havt spurningin til viðgerðar, og hevur í niðurstøðu tikið undir við avgerðini hjá TAKS, skrivaði TAKS.

Landsstýrismaðurin fær einki gjørt við tað, sum TAKS og skatta- og avgjaldskærunevndin taka avgerð um, men møguleikar eru at broyta lógina.

Hoyr innslag í útvarpstíðindunum.