Vil hava greiði á radaramálinum í samgonguni

Bárður á Steig Nielsen, løgmaður, vil hava greitt at vita frá samgonguflokkunum, hvar teir halda ætlanina at seta radara upp á Sornfelli.

- Ein avkláring má til. Vilja vit hava radaran og vera partur av vesturheiminum í sambandi við radaran, spyr løgmaður.

Landsstýrið hevði fyrrapartin fund um støðuna, sum er komin í, eftir at Jacob Vestergaard alment hevur ført egin sjónarmið fram í radaramálinum.

Jenis av Rana, landsstyrismaður, hevur eisini sagt, at hann ætlar ikki at lata seg koppseta fyri koronu, ikki fyribils ið hvussu er.

Løgmaður sigur, at tað hevur stóran týdning, at Føroyar draga eina línu í koronumálinum. Hann fær ikki sagt, um útsagnirnar hjá Jacobi Vestergaard og Jenisi av Rana fáa nakrar avleiðingar.

Hoyr samrøðu, sum Sigmar Bláberg gjørdi við Bárð á Steig Nielsen, løgmann, í útvarpstiðindunum.