- Tíðindi, mentan og ítróttur
Verkfall lýst fyri vøggustovurnar hósmorgunin
Pedagogfelagið harmast um, at Kommunala Arbeiðsgevarafelagið og Fíggjarmálaráðið ikki vilja samstarva um at fáa menniskjaligt haldføri inn í námsfrøðiliga arbeiði.
Í tíðindaskrivi, skrivar Pedagogfelagið:
Kommunala Arbeiðsgevarafelagið og Fíggjarmálaráðið hava í dag kastað okkara uppskot til semju aftur.
Vit mugu við hesum staðfesta, at tey nokta at taka avbjóðingina við starvsfólkamangli í álvara. Arbeiðsgevararnir vísa sostatt ongan vilja at loysa hesa risastóru samfelagsavbjóðing, ið eisini Búskaparráðið hevur ávarað um.
Starvsfólkamangulin er ein avbjóðing, sum vit og myndugleikarnir eru felags um, og sum vit mugu loysa saman. Í eini roynd at finna semju, fluttu vit okkum langt, tá ið vit, við støði í semingsuppskotinum gjørdu eitt nýtt uppskot til sáttmála mikudagin í farnu viku.
Tað harmar okkum, at arbeiðsgevararnir í staðin fyri at taka uppskotið í álvara, hava drálað alt vikuskiftið, áðrenn tey treytaleyst vístu tí burtur.
Okkara limir liva dagliga í hesum, og tí vita vit, hvat bilar og hvat skal til fyri at ung fólk skulu velja okkara øki, og fyri at tey, sum longu hava valt hetta starvsøki, verða verandi. Tað er hetta, sum okkara upplegg til sáttmála byggir á.
Hoyr samrøðuna við Jógvan Philbrow, formann í Pedagogfelagnum, undir myndini.
Tak niður