Nevningatingið farið at viðgera drápsmál

Í morgun byrjaði nevningatingið í drápsmálinum móti einum 26 ára gomlum manni, sum er ákærdur fyri dráp.

Sambært ákæruritinum, er maðurin ákærdur fyri um náttina 20. november 2012 at hava dripið 16 ára gomlu Mariu Fuglø Christiansen, við á ógreiðan hátt at hava tveitt ella skumpað hana á sjógv, fyri síðani at vera farin frá henni, so at hon druknaði.

Ákæruvaldið hevur lagt málið fram fyrrapartin. Michael Boolsen, fúti, sum er ákæri, sigur, at ætlanin er at avhoyra ið hvussu er 60 vitni.

14 dagar eru settir av at viðgera málið í nevningatinginum. 

Hoyr Hall av Rana greiða frá úr rættinum.