Eldurin ávirkar siglingina um Skopunarfjørð

Eldurin í Sandoyartunlinum ávirkar siglingina hjá Strandferðsluni um Skopunarfjørð.

Tað ber ikki til at leggja at á Gomlurætt sum er, og politiið hevur heitt á fólk um ikki at fara á Gomlurætt.

Ternan er á veg úr Skopun til Havnar, og klokkan 13.20 fór Erla Kongsdóttir úr Havn til Skopunar. Hon fer úr Skopun til Havnar klokkan 14. Erla Kongsdóttir tekur bara ferðafólk.

Fyrrapartin bar Hasfjord við land í pollinum í Skopun, men líkt er ikki til, at skipið hevur fingið skaða.

Hoyr samrøðu við Hilmar Eliasen, stjóra á Strandferðsluni, í útvarpstíðindunum.