Rakt av verkbanni, men biðin at arbeiða aðrastaðni

Limir í Pedagogfelagnum, sum vegna verkbann ikki sleppa til arbeiðis á skúlaøkinum, verða nú bidnir til arbeiðis aðrastaðni hjá tí almenna.

Boð eru eftir pedagogum, bæði í Almannaverkinum ogstørvum, sum kommunurnar varða av.

Eftir 24 tíma verkfall hjá Pedagogfelagnum í gjár, eru allir námsfrøðingar í fólkaskúlunum, forskúlum, frískúlum og skúlanum á Trøðni í dag sendir í verkbann av Fíggjarmálaráðnum.

Og sambært Pedagogfelagnum eru nú boð eftir teimum at koma til arbeiðis, bæði á bústovnum og dagstovnum kring landið.

Einki samband er millum partarnar í sáttmálatrætuni millum Pedagogfelagið øðrumegin og Kommunala Arbeiðsgevarafelagið og Fíggjarmálaráðið hinumegin.

Hoyr Jógvan Philbrow, formann í Pedagogfelagnum, í útvarpstíðindunum.