Chr. Andreasen: Verkfallið elvir til ruðuleika

Fyrrapartin fór løgtingið at viðgera uppskotið hjá Helga Abrahamsen, landsstýrismanni, at lóggeva undantøk í Almannaverkinum, tá verkfall er, og viðgerðin heldur fram.

Christian Andreasen, sum var framsøgumaður fyri Fólkaflokkin, sigur, at pedagogverkfallið fær álvarsligar avleiðingar fyri tey, sum búgva á stovnum undir Almannaverkinum, og sum krevja hjálp alt samdøgrið.

- Ruðuleiki valdar á økinum, og tí er hetta uppskotið neyðugt, sigur Christian Andreasen.

Ingilín Didriksen Strøm, sum var framsøgukvinna fyri Javnaðarflokkin, sigur, at málið snýr seg ikki um undantøk, men um at tingið skal geva øðrum partinum i samráðingunum betri støðu enn hin.

Hoyr samrøðu, sum Frants Jensen gjørdi við Christian Andreasen og Ingilín Didriksen Strøm í útvarpstíðindunum.