Ger nýggja roynd at fáa semju um undantøk

Helgi Abrahamsen, landsstýrismaður, fer fyrsta dagin at gera eina nýggja roynd at fáa semju við fakfeløgini um undantøk á arbeiðsmarknaðinum, tá verkfall er.

Tá Pedagogfelagið og arbeiðsgevararnir høvdu góðtikið semingsuppskotið í gjárkvøldið, avgjørdi Helgi Abrahamsen at taka lógaruppskotið, sum lá í tinginum, aftur.

Landsstýrismaðurin heldur, at nú eru betri líkindi at gera semju millum politisku skipanina og fakfeløgini um undantøk.

Hoyr innslag í útvarpstíðindunum.
 

Helgi Abrahamsen, landsstýrismaður, heldur, at nú er rætta løtan at finna eina loysn um undantøk saman við fakfeløgunum, tá verkfall er. Og sjálvandi eiga fakfeløgini at fáa endurgjald fyri tað, sigur hann.

Mynd: Bjarni Árting Rubeksen