- Tíðindi, mentan og ítróttur
Einki tilboð eftir summarfrítíðina
9 ára gamli sonurin hjá Bjørgu Sivertsen, ið hevur autismu og ADHD, er ein av fleiri børnum, ið ikki fáa pláss til frítíðartilboð í Tórshavnar Kommunu eftir summarfrítíðina. Hann hevur staðið á bíðilista síðani november í fjør.
Boðini frá almannaverkinum eru, at tað ikki eru nóg nógv starvsfólk til at taka sær av øllum børnunum við serligum tørvi, sum ynskja frítíðartilboð, hevur Bjørga Sivertsen fingið at vita.
Markus hevur fingið játtað frítíðartilboð, men tað er ikki pláss og starvsfólk nokk á stovninum til hansara. Tí noyðist Bjørga Sivertsen at vera heima hjá soninum hvønn dag eftir skúlatíð. Bjørga sigur, at sonurin hevur tørv á einum serligum frítíðarskúla, har hann kann mennast og vera saman við børnum, sum eru sum hann.
Familjan flutti til Føroya úr Danmark í juli í fjør, og settu Markus á lista til frítíðartilboð í november. Um somu tíð settu tey hann eisini á bíðilista til umlætting..
Hoyr innslagið, sum var í útvarpstíðindunum.
Tak niður
Sí eisini