Samráðast nú aftur um orkupolitikk

Helgi Abrahamsen, landsstýrismaður í orkumálum, fer nú at taka samráðingarnar uppaftur við allar flokkar á tingi um ein nýggjan veðurlags- og orkupolitikk.

Landsstýrismaðurin miðar eftir at fáa bæði samgongu og andstøðu at semjast um veðurlags- og orkupolitikkin, og uppskot verður lagt fyri tingið í heyst.

Í vár legði ein embætisbólkur fram tilmæli um átøk á orkuøkinum, og tey tilmælini eru grundarlagið undir samráðingunum, sigur Helgi Abrahamsen.

Bygnaðarbroytingarnar í SEV hava eisini verið umrøddar í sambandi við nýggja orkupolitikkin, og tað eru tey, sum halda, at bygnaðarbroytingarnar eiga eisini at verða tiknar við í samráðingarnar um orkupolitikkin.

Men Helgi Abrahamsen heldur, at bygnaðarbroytingarnar og orkupolitikkurin eru hvørt sítt mál.

Hoyr innslag í útvarpstíðindunum.