Heimaflotin skal ikki rinda tilfeingisgjald av makreli

Tilfeingisgjald skal ikki rindast av makreli, sum heimaflotin fær.

Tað sigur Jacob Vestergaard, landsstýrismaður í fiskvinnumálum.

- Vit eiga ikki at hyggja at fiskaslagnum. Vit skulu hyggja at skipabólkinum, um hann hevur yvirnormalt yvirskot, sigur Jacob Vestergaard.

Heimaflotin fær hvørt ár tillutað góð 30 prosent av makrelkvotuni. Í ár svarar tað til 43 milliónir krónur í tilfeingisgjaldi, sum ikki kemur í landskassan.

Hoyr innslag í útvarpstíðindunum.