Búnaðarráðgevi: Seyðahaldið gevur ov lítið

- Vit fáa alt ov lítið burtur úr seyðahaldinum í Føroyum. Meðan onnur lond fáa upp móti tveimum lombum fyri hvørja ær, so fletta vit í miðal bara 0,6 lomb fyri hvørja ær. Úrtøkan má gerast munandi betri, sigur Jens Ivan í Gerðinum, landbúnaðarráðgevi á Búnaðarstovuni.

Í Heygshaga í Kollafirði, sum Búnaðarstovan hevur, hava tey minkað áseyðatalið, og geva seyðinum meira um veturin.

Jens Ivan í Gerðinum sigur, at nú fáa tey vanliga millum 1,3 til 1,5 lomb fyri hvørja ær. Hann veit eisini um einstakar hagar aðrastaðni í landinum, sum fáa eins góða úrtøku.

Hoyr innslag í útvarpstíðindunum.

Seyður

Vit fáa ov lítið burtur úr seyðahaldinum, tí vit fletta bara 0,6 lomb fyri hvørja ær, sigur búnaðarráðgevin á Búnaðarstovuni.