Springaradrápið: Mistøk vórðu gjørd í samskiftinum

14.09.2021 - 13:32
AktueltSamfelag
Springaradrápið: Mistøk vórðu gjørd í samskiftinum
Tað ert torført at hald skil á, hvat hendi, tá avrátt varð at halda springararnar til í Skálafirði sunnukvøldið.
Jens Jensen er sýslumaður fyri Norðoyggjar og Eysturoynna.

Mistøk vórðu gjørd í samskiftinum, sum endaði við, at fleiri enn 1400 springarar vórðu hildnir til í Skálafirði sunnukvøldið.

Tað er løgreglan, sum gevur grindaformonnunum boð, og síðani avgera sýslumaðurin og grindaformenninir, hvar grindin skal haldast til. 

Men grindaformennirnir fingu ikki boð sunnudagin. Tað gjørdu teir ikki, tí Finnbogi Midjord sýslumaður í miðstaðarøkinum av fyrstan tíð ikki vildi halda springarunum til. Løgreglan gjørdi tískil ikki meira við málið. 

Tá springarirnir kortini vórðu hildnir til, er tað tí grindaformenn úr Eysturoynni fóru norð eftir springarunum og fingu teir loyvi frá Jacob Vestergaard at reka teir inn á Skálafjørðin, sigur Finnbogi Midjord.

Jens Jensen, sum er sýslumaður fyri Norðoyggjar og Eysturoynna, sigur, at hann hevur ábyrgdina av, at mistøk vórðu gjørd í samskiftinum sum førdu til at hinir grindaformennirnir ikki fingu boð. Hann hugsaði ikki um at boða løgregluni frá, at springararnir kortini skuldu haldast til. Sostatt var vanliga fráboðanarskipanin ongantíð sett í verk.

Hoyr innslag í útvarpstíðindunum.  

Marius Jacobsen er grindaformaður. Hann heldur, at tað hevði verið høgligast at hildið springarunum til á Gøtuvík.

 
Er kopiera

Tak niður

Nýggjastu sendingar í ÚV
Mikudag 28. september
LEITISSTEIN 27.09.2022 (Trucker Frank)
145448
Mikudag 28. september
Góðan morgun Føroyar 28.09.2022
145443
Mikudag 28. september
Morgunlestur mikudagur 28. september 2022
145186
Týsdag 27. september
Ljóarin 27. september 2022
145415
Nýggjastu sendingar í SV
Mánadag 26. september
3-2
145358
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956