Góvu norðmonnum skarpan gang

Menninir hjá H71 spældu í gjár móti norska felagnum, Drammen,  sum var triðfremst í norsku kappingini seinasta kappingarár.

Hoyvíkingar góvu norðmonnum skarpan gang, men norska felagið vann tepran sigur 24 - 22. Hálvleiksstøðan var 10 - 10.

Pauli Mittún, sum var toppskorari hjá H71, skeyt sjey mál. Hann er sera vónbrotin um úrslitið.

Hoyr samrøðubrot við Paula Mittún við at trýsta á pílin. 

Menninir hjá H71 royndu seg fyri fyrstu ferð í evropeiskum dystum í fyrraárið, har tað eydnaðist at vinna annan dystinímóti slovenska, RK Maribor Branik.

Mansliðið skal hitta norska liðið aftur sunnudagin í Noregi. Dysturin verður kl. 16 føroyska tíð, og verður helst stroymdur á heimasíðuni hjá EHF. Meira verður at frætta um tað á heimasíðuni hjá H71.