- Tíðindi, mentan og ítróttur
Suðuroyartunnilin kann gerast munandi bíligari
22.10.2021 - 17:58
Innlendis›Samfelag
Suðuroyartunnilin kann gerast munandi bíligari
Tað er ikki neyðugt at leggja 50 prosent aftrat kostnaðinum, sigur formaðurin í nevndini, sum gjørdi frágreiðingina um Suðuroyartunnilin í 2019
Suðuroyartunnilin kann gerast munandi bíligari enn tað, sum Landsverk metir.
Tað sigur Bergur Poulsen, nevndarformaður í Eystur- og Sandoyartunlum.
Hann var formaður í bólkinum, sum legði uppskot fram um Suðuroyartunnil fyri góðum tveimum árum síðani.
Tá segði bólkurin, at Suðuroyartunnilin kann gerast fyri tríggjar milliardir. Og hann heldur, at tann kostnaðarmetingin hevði hildið rættiliga væl eisini í dag.
Landsverk hevur lagt 50 prosent aftrat kostnaðinum.
Bergur Poulsen ásannar, at um teirra arbeiðsbólkur eisini hevði lagt 50 prosent aftrat kostnaðinum, hevði prísurin nærkast prísinum hjá Landsverki. Men hann heldur ikki, at tað er neyðugt at leggja 50 prosent aftrat.
Hoyr innslag í útvarpstíðindunum.
Tak niður
Nýggjastu sendingar í ÚV
Nýggjastu sendingar í SV