Serfrøðingur: Landsstýrið hevur ongan langtíðarætlan fyri at basa koronu

Í gjár helt løgmaður tíðindafund saman við Lars Fodgaard Møller, landslækna, og Michael Boolsen, fúta og formanni í Farsóttarnevndini.

Shahin Gaini, lektari í infektiónsmedisini á Fróðskaparsetri Føroya, heldur, at landslæknin og formaðurin í farsóttarnevndini hava eina langtíðarætlan fyri, hvussu koronasmittan skal handfarast, men tað hevur landsstýrið ikki.

Eina langtíðarætlan mugu vit hava, skulu vit koma væl ígjøgnum farsóttina, heldur hann. 

Bárður á Steig Nielsen, løgmaður, segði í Degi og Viku í gjár, at orsøkin til at hann ikki heldur at vit skulu brúka koronupass er, at vit smitta eisini um vit eru koppsett. 

"Men endamálið eigur at vera at halda smittuni niðri eina tíð, til hon er minni vandamikil," sigur Shahin Gaini