HK fer í rættin við Vága floghavn

Danska fakfelagið HK fer nú í Føroya rætt við Vága floghavn.

HK krevur, at Vága floghavn rindar 25 starvsfólkum, sum eru limir í felagnum, ta løn, ið fakfelagið metir, at starvsfólkini hava rætt til, tá ið tey vórðu send til hús, eftir at korona rakti í fjør.

Í vikuni kom fram, at Vága floghavn hevði rindað tveimum starvsfólkum, sum vóru limir í Starvsfelagnum, munin millum ALS-peningin, tey høvdu fingið útgoldið í fjør, tá ið landið læt aftur vegna koronu-farstóttina, og tað, sum sáttmálin segði, at starvsfólkini áttu at fáa í løn.

Sigmund Poulsen, advokatur hjá Starvsfelagnum, sigur, at hetta málið var á veg í rættin.

Nú fer HK í rættin fyri 25 limir, sum starvast í Vága floghavn.

Hoyr innslag í útvarpstíðindunum.