Reyði Krossur fyrireikar tilbúgvingarætlan til flóttafólk

Reyði Krossur arbeiðir í løtuni við at gera eina tilbúgvingarætlan, sum kann setast í verk, um flóttafólk koma til Føroya.

Tað sigur Bárður Atlason Ísheim, dagligur leiðari í Reyða Krossi Føroya.

Reyði Krossur leitar nú eftir sjálvbodnum, ið vilja verða partur av Flóttahjálpini hjá Reyða Krossi.

Felagsskapir og feløg, ið halda seg hava viðkomandi førleikar ella tænastu at bjóða, og hava áhuga at verða knýtt at tilbúgvingini, kunnu lesa meir og skráseta seg á redcross.fo.

Hoyr innslag í útvarpstíðindunum.