Advokatur: Best er at gera keypsavtalu frammanundan

Fyri hálvum øðrum ári síðani kundu fólk skriva seg á ein lista hjá meklarafyritøkuni Skyn til eina av íbúðunum á Fløtum, sum vóru í gerð.

Og í vikuni kom bræv til fólk á listanum við tilboði um at keypa eina av íbúðunum. Tey fáa seks dagar at gera av, um tey vilja keypa.

Skyn sigur eisini, at boðini eru send 80 fólkum á bíðilistanum. Verður ikki tikið av tilboðnum beinanvegin, verður farið víðari til næsta fólk á bíðilistanum.

Íbúðirnar eru dýrkaðar millum 300.000 og 600.000 kr.

Einasti máti hjá keypara at tryggja seg ímóti príshækkingum, er at skriva undir keypsavtalu, áðrenn ein tílík verkætlan fer í gongd, sigur Jógvan Páll Lassen, advokatur.

Jógvan Páll Lassen

Jóan Petur Vang, sum stendur fyri íbúðarbyggingini á Fløtum, sigur, at orsøkin til príshækkingina er, at tilfarið er dýrkað, og at arbeiðið er seinkað.

Jóan Petur Vang

Jóan Petur Vang byggir íbúðirnar á Fløtum.

Hoyr innslag í útvarpstíðindunum.

Íbúðarbyggingin á Fløtum var annað evni í Breddanum fyrrapartin. Hoyr sendingina her.