Viðmerkjari : Løgmaður í truplari støðu

Enn einaferð vísir ein veljarakanning, at Sambandsflokkurin fær ringasta úrslit nakrantíð, flokkurin stendur til at fáa 14,8 prosent av atkvøðunum.

Tað er munandi verri undirtøka, enn flokkurin hevur fingið á floksins ringasta vali nakrantíð, sum var í 1998. Tá fekk flokkurin 18,1 prosent av atkvøðunum. 

Fólkaflokkurin stendur eisini til eitt søguliga vánaligt val, tí flokkurin fær bara 17,6 prosent. Ringasta valið í søgu floksins hevði Fólkaflokkurin í 1994, tá hann fekk 16 prosent.

Miðflokkurin stýrir politikkinum

Ein orsøk til stóru afturgongdina hjá Sambandsflokkinum er, sambært veljarakanningini, at flokkurin stuðlar Miðflokkinum í málum, sum viðvíkja eitt nú rættindum hjá samkyndum.

Koronapolitikkurin hjá samgonguni hevur eisini kostað veljaraálit. Trupulleikin er ógreiði boðskapurin, og tvíningarnar í samgonguni, tá tað kemur til koppseting móti korona. 

Spyr.fo hevur gjørt veljarakanningina til blaðið Vikuskifti og sæst her