- Tíðindi, mentan og ítróttur
Omikron frábrigdið sendir jólagestir í sóttarhald á jólum
18.12.2021 - 18:52
Innlendis
Omikron frábrigdið sendir jólagestir í sóttarhald á jólum
Omikron frábrigdið sendir fleiri jólagestir, sum koma til landið umvegis flogvøllin, í sóttarhald á jólum.
![](https://kvf.fo/sites/default/files/styles/news_xtra_xtra_large/public/jolama.png?itok=035UosNB)
Omikron sendir nógvar jólagestir í sóttarhald á jólum
Omikron frábrigdið hevur tikið veruligt dik á seg í londunum rundanum okkum, og hetta sæst nú aftur í Føroyum.
Av teimum flogførunum, ið lendu á flogvøllinum í gjár, var omikron funnið ímillum ferðafólkini í øllum flogførunum.
Av hesum eru eini 120 fólk, ið verða sett í sóttarhald í næstu sjey dagarnar.
Hetta hevur eitt nú við sær, at ein stórur partur av jólagestunum, ið koma til landið at halda jól, verða koyrd í sóttarhald - eisini, um tey eru koppsett ella áður hava havt koronu. Hetta er orsaka av høga smittutíttleikanum, ið omikron hevur við sær og óvissuni kring júst hetta frábrigdið.
Váðin at enda í sóttarhaldi á jólum er tí stórur, sambært landslæknanum.
Tak niður
Nýggjastu sendingar í ÚV
Nýggjastu sendingar í SV