Finnur Fríði fer at kosta 340 mió. kr.

Pf. Krossbrekka, sum er eitt dótturfelag hjá Varðanum í Gøtu, hevur gjørt sáttmála við Karstensens skipasmiðjuna í Skagen, um at byggja eitt nýtt nóta- og trolskip, sum skal avloysa Finn Fríða, sum er bygdur í 2003.

Finnur Fríði

Frítekst tagging: 

Finnur Fríði

varðin

Hetta er næsta skipið, Varðin letur byggja hjá teimum.

Tróndur í Gøtu varð latin frá Karstensens skipasmiðjuni í 2010. Frammanundan hevði skipasmiðjan gjørt minni og størri umvælingararbeiði fyri Varðan.

Alt verður gjørt á Karstensens skipasmiðjuni - teir tekna skipið, skrokkurin verður bygdur á teirra egnu skipasmiðju í Póllandi, og innleggingar og ísetingar verða gjørdar í Skagen.

Undirveitarar verða valdir komandi vikurnar.

Fyri Varðan er tað avgerandi, at loysnirnar eru haldgóðar og burðardyggar, og at tær eru nýskapandi og dygdargóðar, sigur Bogi Jacobsen, stjóri í Varðanum.

Bogi Jacobsen