Útbjóðingartilfar til svimjihøll ikki nóg fullfíggjað

Útbjóðingartilfarið var ov ógreitt, tá ið svimjihøllin í Runavík varð boðið út herfyri.

Tríggjar føroyskar fyritøkur ætlaðu at bjóða, men stutt fyri, at freistin fór, boðaði Føroya Handverksmeistarafelag frá, at eingin fór at bjóða.

Tórbjørn Jacobsen, borgarstjóri í Runavíkar kommunu, sigur í stuttari viðmerking, at arbeitt verður í løtuni við einari loysn, og at kommunan samskiftir við onkran. Meira vil hann ikki siga. Hann væntar, at meira verður at frætta í næstum.

Hoyr innslag í útvarpstíðindunum.