Formansvalið: Atkvøðurnar verða taldar mánadagin

Inntøkan hjá fiskimonnunum er støðugt minkað seinastu árini, og teir mugu í stóran mun sjálvir rinda eftirlønina.

Tað sigur Mortan Berjastein, sum stillar upp til formansvalið í Fiskimannafelagnum.

Hann sat í nevndini hjá Fiskimannafelagnum frá 2011 til 2019, tá hann ikki stillaði upp aftur.

Hann sigur seg kunna betra um viðurskiftini hjá fiskimonnunum.

Hoyr Mortan Berjastein við at trýst á pílin omanfyri.

Sitandi formaðurin í Føroya Fiskimannafelag, Jan Højgaard, hevur verið formaður í felagnum í 15 ár.

Hann vil fegin halda fram, tí hann hevur fleiri viðurskifti sum eru eftir at loysa, og sum hann fer at leggja stóran dent á at fáa loyst.

Hoyr Jan Højgaard her:

Fiskimenn kunnu velja til og við sunnudagin, og mánadagin verða atkvøðurnar taldar. 

Týsdagin 1. februar tekur tann sum verður valdur við sum formaður í Føroya Fiskimannafelag.

Fiskimannafelagið hevur sagt sáttmálan við Reiðarafelagið upp til 1. apríl.