Fleiri evropeiskar svimjikappingar til Føroyar

Føroyar eru nú umboðaðar í ovastu leiðsluni í evropeiska svimjisambandinum, LEN.

Tað er greitt eftir eykaaðalfund í LEN í Frankfurt í gjár, har fyrsta punkt á skránni var eitt misálit á gomlu nevndina.

Í síni setanarrøðu boðaði forsetin í evropeiska svimjisambandinum frá, at hann tók seg aftur. 

Síðani skuldi nýggj nevnd veljast, og tá varð Rókur í Jákupsstovu, formaður í Svimjisambandi Føroya, valdur í nevndina, sum er evsta vald í evropeiskari svimjing.

Nýggjur forseti í LEN er Antonio Silva úr Portugal.

Og føroyska umboðanin í nevndini fer at síggjast aftur, sambært Róki í Jákupsstovu.