"Eg fái brúkt mína orku upp á nakað meiningsfult"

Ida Lón hevur verið sjálvboðin fyri Reyða Kross í eina tíð, og er nú klár at gerast partur av nýggju tilbúgvingini hjá Reyða Krossi Flóttahjálpin.

Hon hevur fakligar førleikar sum ergoterapeutur og arbeiði vanligt við stress og traumaraktum.

Á tann hátt vónar hon at kunna rætta traumatiseraðum børnum eina hjálpandi hond, nú flóttafólk úr Ukraina fara at koma til landið. 

Flóttahjálpin er eitt netverk av sjálvbodnum og øðrum áhugaðum, hvørs endamál er at veita stuðul, hjálp og vegleiðing til flóttafólk í Føroyum.