Ongar ætlanir um at steingja fyri russiskum skipum

Fyrrapartin í gjár kom ein russiskur trolari á Runavík at umskipa fisk, og seinnapartin komu tveir afturat. Annar sleipaði hin, sum hevði fingið motorskaða.

Hetta fekk summi at undrast og eisini ilskast, tí revsitiltøk eru sett í verk móti Russlandi eftir russisku innrásina í Ukraina.

Í tíðindunum í gjárkvøldið vísti Torbjørn Jacobsen, borgarstjóri í Runavíkar kommunu á, at tað í hesum føri er upp til landsmyndugleikarnar at gera av, hvør skal sleppa at bryggju og ikki.

Jenis av Rana, landsstýrismaður við uttanríkismálum, sigur, at í løtuni eru ongar ætlanir um at steingja føroyskar havnir fyri russiskum skipum. 

Hoyr samrøðuna við Emil Lisberg.