Serlógin um fólk úr Ukraina kemur í næstu viku

Serlógin, sum gevur fyribils uppihaldsloyvi til fólk úr Ukraina, kemur í løgtingið í næstu viku.

Tað sigur Magnus Rasmussen, landsstýrismaður í útlendingamálum, nú danska Fólkatingið fer at samtykkja lógina seinni í dag.

Enn hevur landsstýrið ikki tikið avgerð um, hvussu nógv fólk úr Ukraina kunnu fáa uppihaldsloyvi í Føroyum.

Ukrainarnir, sum longu eru komnir til Føroya, eru komin higar sum ferðafólk, í prinsippinum uttan nøkur rættindi.

So skjótt lóggávan er sett í gildi, kunnu tey søkja um uppihaldsloyvi, sigur Kristina Roarsdóttir Ellendersen, løgfrøðingur á Útlendingastovuni.

Hoyr innslag í útvarpstíðindunum.

Magnus Rasmussen