Føroysku sílini skulu vera burturbeind 20. apríl

Heilsufrøðiliga Starvsstovan hevur givið boð um, at smápartafelagið Røkt í Vestmanna skal taka føroysku sílini úr byrgingin í Heygadali beinanvegin og í seinasta lagi 20. apríl, sum er um eina stíva viku.

Harafturat skal øll aliútgerð vera burturbeind í seinasta lagi 1. juni.

Og óansæð hvat eigarin av sílunum ger ella ikki, so ætlar SEV sær undir at tøma byrgingina um eina viku, og síðani fara undir arbeiðið við at umvæla byrgingina, sum sambært orkufelagnum er bráðneyðugt at fáa gjørt.

20210621_foroyska_alabogasilid_a_deydastrad_0015.jpg

Johan í Niðristovu, stjóri í Røkt, sigur í stuttari viðmerking í dag, at hann hevur kært avgerðina hjá Heilsufrøðiligu Starvsstovuni, um at øll sílini skulu takast av, og vónar at avgerðin fær steðgandi virkna.

Síl ella ikki, so fer SEV undir arbeiðið at umvæla byrgingina í Heygadali í Vestmanna eftir páskir. Hetta merkir, at byrgingin verður tømd fyri vatn, og harvið mugu føroysku sílini vera flutt áðrenn, um tey skulu yvirliva.

føroysk síl