Visit Faroe Islands: Ov nógv ferðafólk sleppa til Mykinesar

"Mykines druknar í ferðafólki"

Tað var yvirskriftin í oddagrein hjá Dimmalætting í gjár. Blaðið endurgevur ferðavinnuveitarar, sum siga at oyggin verður traðkað niður og at fuglurin órógvast.

Útsagnir, sum menningarleiðarin í Visit Faroe Islands er samdur í.

Útlendsk ferðafólk, sum koma í oynna, skulu gjalda 250 krónur fyri at sleppa út um bøgarðarnar í Mykinesi. Tað eru bøndurnir í Mykinesi, sum umvegis ein grunn umsita avgjaldið.

Men í løtuni er tað trupult at síggja, hvat fólk rinda fyri, heldur Jóhan Pauli Helgason, menningarleiðari í Visit Faroe Islands.