Fleiri tiltøk avlýst

Nógvi vindurin í dag hevur við sær, at fyriskiparinir av Sundalagsstevnuni hava valt at útseta kappróðurin til í morgin.

Barnaróðurin í morgin byrjar klokkan 13, og fyrsta skotið í FM-róðrinum hjá teimum vaksnu verður klokkan 15:15. 

Street mentan í Havn

Mentanartiltakið Da sjúka, sum eftir ætlan skuldi vera í Tórsgøtu í Havn, er flutt út á Bakkalao, tí innihaldið í tiltakinum egnar seg ikki til regn, sigur Ólavur Thorsteinsson, ein av fyriskiparunum.

Ríðikapping útsett

Veðrið ávirkar eisini árligu Leynavatns-kappingina hjá Føroya Ríðingarfelag.

Kappingin skuldi vera ídag.

Men sambært fyriskiparunum er ikki hugsingur um at ríða kapp við Leynavatn í dag, tí er Leynavatnskappingin útsett til í morgin klokkan 15. 

-Vónin er at vatnið er minkað so mikið til tá, at tað ber til at ríða kapp eftir sandinum, siga fyriskipararnir.