Avgerð takast um svimjihøll í Runavík fyri 165 milliónir

25.06.2022 - 17:17
Innlendis›Politikkur
Avgerð takast um svimjihøll í Runavík fyri 165 milliónir
Á býráðsfundi hóskvøldið skal Runavíkar býráð taka støðu til sína størstu íløgu nakrantíð, sum er ein svimjihøll fyri tilsamans 165 milliónir krónur.

Hetta er ikki nakað nýtt mál, tí síðani svimjifelagið Neptun var sett á stovn á fundi í Glyvra skúla ein vetrardag í 1964, hevur málið verið frammi ferð eftir ferð - ikki minst sum valagn til mestsum øll kommunuval síðani.

Enn er svimjihøllin ikki komin, og tey í Neptun hava stundum umtalað seg sjálvi sum Føroya turrasta svimjifelag.

– Síðani 1. januar í 2016, tá ið ein hálv millión var sett av til svimjihøllina, hevur arbeiðið verið í gongd, og nú er tað komið so mikið langt, at ein avgerð skal takast, sigur Torbjørn Jacobsen, borgarstjóri í Runavíkar kommunu.

Í januar mánaði varð partalagsavtala gjørd við byggifyritøkuna Kanjon um at gera svimjihøllina, men tað var við tí fyrivarni, at hevur býráðið ikki samtykt høllina áðrenn á midnátt hóskvøldið, fer avtalan úr gildi.

 
Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435