Samgongan arbeiðir enn við gongd í haga

Gongd í haga er eitt afturvendandi mál, sum stór politisk ósemja hevur verið um, og málið er ikki loyst enn.

Í løtuni situr tann triði landsstýrismaðurin við málinum, síðani hetta tók seg upp, nú ferðafólkastreymurin til Føroya er nógv vaksin.

Saman við umboðum fyri hinar báðar samgonguflokkarnar, situr Magnus Rasmussen, landsstýrismaður fyri Sambandsflokkin, í einum bólki saman við Christiani Andreasen úr Fólkaflokkinum, og Bill Justinussen úr Miðflokkinum.

Teir royna at finna eina semju í málinum.

Hoyr Magnus Rasmussen í útvarpstíðindunum.

Javnaðarflokkurin hevur lagt uppskot til samtyktar fyri tingið, har heitt verður á landsstýrið um at koma við einum lógaruppskoti um rættin hjá føroyingum at ganga ókeypis í haganum.