SEV kannar stórt streymslit

Streymurin var burtur í ein lítlan tíma, men er nú komin aftur allastaðni. Men orsøkin til streymslitið er framvegis ikki funnin. 

-Vit ganga nú ígjøgnum allar alarmfráboðanir í okkara skipanum fyri at finna orsøkina, sigur Høgni Hansen, vakthavandi rakstrarleiðari hjá SEV.

Streymslitið í morgun var so mikið umfatandi, at alt meginøkið lá í streymloysi. Tað merkir, at bara Suðuroyggin og útoyggjarnar, ið ikki eru knýttar í netið á meginøkinum, høvdu streym millum klokkan átta og níggju.