Málteigurin: Luttaka og framleiða troka onnur orð burtur

Tá ið somu orð ganga aftur og aftur og verða brúkt um alt møguligt, gerst málið fátækari.

Eitt dømi um hetta eru orðini, luttaka og framleiða.

Elin Henriksen, málteigurin

Tað er munur á at gera mat og at framleiða mat

Framleiða

Elin Henriksen, málkøn, greiðir frá, at tað er munur á, um tú framleiðir eina vøru til at selja, og um tú gert eitthvørt, sum ikki beinleiðis skal seljast.

- Tað er munur á at gera mat og at framleiða mat, sigur Elin Henriksen og vísir á onnur dømi, har framleiða verður tikið fram um onnur orð:

• Framleiða alifisk heldur enn at ala
• Framleiða hoyggj heldur at hoyggja ella koyra í brunn
• Framleiða mjólk heldur enn at neytini mjólka
• Framleiða tíðindi heldur enn at skriva tey

Luttaka

Sama støða ger seg galdandi við orðinum, luttaka.

Ofta verður sagt, at fólk luttaka á evnisdegi, í kappingum, kóri, nevnd og so framvegis, heldur enn bara at vera við ella vera á evnisdegi, kappast, syngja og sita í nevnd.

Solby Christiansdóttir, Elin Hendirksen, málteigurin

Elin Henriksen hevur svarað spurningum í Málteiginum í fimm ár. 

Málteigurin byrjar skjótt aftur

Málteigurin byrjar aftur mánadagin 5. september, og til ber at senda spurningar til Elina her.