Samráðingar við russar viðgerast aftur

bannari
24.09.2022 - 12:57
InnlendisPolitikkur
Samráðingar við russar viðgerast aftur
Tað er ivasamt hvussu verður við fiskivinnusamráðingunum við Russland. Mikudagurin verður rættiliga avgerandi
0 seconds of 0 secondsVolume 90%
Press shift question mark to access a list of keyboard shortcuts
00:00
00:00
00:00
 

Mikudagin fer løgmaður at kalla umboð fyri allar flokkar á tingi á fund at viðgera tiltøkini móti Russlandi. Eitt av punktunum verða fiskivinnusamráðingar við Russland, sum helst byrja einaferð í november.
Við Dag og viku í gjár segði løgmaður millum annað, at revsitiltøk er eitt mál og fiskivinnusamráðingar nakað annað.
Árni Skaale, landsstýrismaður við fiskivinnumálum, hevur áður boðað frá, at hann má halda landsins lógir og tískil er noyddur at samráðast við russar, tá tann tíðin kemur. Hann vísir til lógina um hvørji tiltøk kunnu setast í verk móti Russlandi og ikki.
Jenis av Rana, landsstýrismaður í uttanríkismálum er ikki samdur við Árna Skaale.
Jenis av Rana segði við in.fo í gjár, at boðini um samráðingar eru ikki komin frá sjálvari samgonguni, men bara landsstýrismanninum. Hann heldur ikki, at Árni Skaale kann brúka lógina sum grundarlag at siga, at samráðingar skulu vera, tí at hetta ikki var ein partur av viðgerðini, tá lógin varð orðað.
Árni Skaale vil ikki gera bandaða samrøðu við útvarpið, men vísir bara til tað hann áður hevur sagt, at um hann skal halda landsins lógir, so má hann virða viljan hjá Løgtinginum, og at hann út frá lógini meira ella minni er noyddur at samráðast. Hann sigur tó, at støðan kann broytast mikudagin, tá løgmaður skal hava umboð fyri allar flokkar á fund.
Jenis av Rana, landsstýrismaður, vil heldur ikki gera bandaða samrøðu um málið. Hann vísir bara á, at samgongan enn ikki hevur tikið nakra støðu um samráðingarnar, men at støðan í Ukraina er broytt munandi til tað verra seinastu dagarnar.

 
Er kopiera
Nýggjastu sendingar í ÚV
Sunnudag 11. mai
Bolero
191709
Sunnudag 11. mai
Guðstænasta í Haldórsvíkar kirkju
191708
Sunnudag 11. mai
Kallið: "Eg eri herprestur".
191424
Leygardag 10. mai
Jambalaja - 100525
191703
Leygardag 10. mai
Upp á tá - 090525
191699
Nýggjastu sendingar í SV
Mánadag 12. mai
Anna FD 564 - teknmálstulkað
191741
Sunnudag 11. mai
Møti úr Stranda missiónshúsi
191725
Sunnudag 11. mai
Andakt
191720
Sunnudag 11. mai
Undansending: Føroyar - Ukraina
191740
Leygardag 10. mai
Dagur og vika - teknmálstulkað
191687