Javnstøðuætlan fyri gransking

Talan er um eina ætlan við málum og átøkum til frama fyri javnstøðu millum kynini, herundir javna luttøku av kvinnum og monnum í mun til arbeiðslívið í Granskingarráðnum.

Hetta inniber átøk til frama fyri javna umboðan av kvinnum og monnum, átøk ímóti vansum vegna kyn, javnbjóðis treytir í mun til umsóknir og átøk fyri at skapa samljóð millum familju- og arbeiðslív hjá starvsfólkunum í Granskingarráðnum.

– Fyri at røkka javnstøðu á arbeiðsplássinum er fyrst og fremst neyðugt at skilja og viðurkenna týdningin av henni, sigur Annika Sølvará, stjóri í Granskingarráðnum.

Javnstøðuverkætlanin er tøk hjá á heimasíðuni hjá Granskingarráðnum, har hon er at finna á bæði føroyskum og enskum.