Lesingin í Føroyum er vorðin heimleys

12.11.2022 - 20:20

Innlendis›Samfelag

Ein kanning staðfestir, at tað verður lisið alt ov lítið bæði heima hjá børnunum, men eisini í skúlanum. "Børn lesa ov lítið," sigur Lydia Didriksen, M. A. í føroyskum

Emil Lisberg Jacobsen

Uni L. Hansen

Aktivera javascript

Ein kanning av lesivanunum hjá næmingum í 6. flokki staðfestir, at børn lesa ov lítið

Mynd: Bjarni Árting Rubeksen

Lesingin í Føroyum er vorðin heimleys.

Tað er niðurstøðan í eini frágreiðing, sum er gjørd um lesivanar hjá børnum í 6. flokki, og sum varð løgd fram á Læraradøgunum fyrr í vikuni.

Ein av teimum, sum hevur staðið fyri kanningini, er Lydia Didriksen, lærari og M.A. í føroyskum. Hon vísir á, at fyrr varð lisið nógv bæði heima og í skúlunum - men soleiðis er ikki í dag.

Saman við Lydiu Didrisken, so hava Sissal M. Rasmussen, adjunktur á Føroyamálsdeildini, og Turið Kjølbro, ritstjóri á Bókadeild Føroya Lærarafelags, staðið fyri frágreiðingini, sum tekur støði í eini kvalitativari lesivanakanning í tíðarskeiðnum 2020 til 2022 og eini kvantitativari lesivanakanning frá 2017 til 2018.