Flokkarnir vitja á Hulki

Á saltfiskavirkinum Vaðhorni á Strondum takka tey fyri vitjanina, tá flokkarnir koma at vitjan við valagni, sum til dømis sodavatn og góðgæti, og afturfyri fáa valevnini ein lista við góðum hugskotum frá starvsfólkunum, sigur virkisleiðarin Jens Martin Knudsen.

Í dag fáast tey við at pakka, og ein av teimum, sum Tórður Mikkelsen fekk orðið á, var Jansy Brøðraberg.

- Tað er nokkso stuttligt, tí tá val er, finna politikararnir hurðina hjá okkum, men tey siga ikki so nógv, tá tey koma á gátt.

Tað, at politikararnir koma á vitjan, er kanska ikki tað, sum broytir tað heilt stóra, tað ivast Jansy í, men tað er altíð hugnaligt við vitjan.

Ein, sum er á vali fyri fyrstu ferð, er Rachel Rasmussen, sum kemur úr Namibia, men hevur búð í Føroyum í 12 ár.

- Tað er so gott at hava fingið mín demokratiska rætt í Føroyum, og eg eri so glað í dag, sigur hon, men júst hvønn hon fer at velja, vil hon ikki avdúka.