Landsstýrið fer at kanna útlendska arbeiðsmegi

Í gjár kom fram í Degi og viku, at fleiri útlendingar hava arbeitt hjá Farhatsa Pizza uttan løn í fleiri mánaðir.

Tað er annars eitt krav, tá ið arbeiðs- og uppihaldsloyvi verða givin, at útlendingar skulu vera tryggjaðir eina góðkenda mánaðarløn - annars skulu teir av aftur landinum beinavegin.

Tað er fyrrverandi løgtingsmaðurin, Bill Justinussen, sum hevði staðið fyri at fáa øll arbeiðsloyvi upp á pláss. Hann var eisini vitandi um, at útlendingarnir ikki fingu løn.

Umstøðurnar hjá teimum, sum Dagur og vika tosaði við í gjár, høvdu eisini verið út av lagi vánaligar.

Hetta ætlar Bjarni Kárason Petersen, landsstýrismaður í útlendingamálum, at taka upp beinavegin mánadagin.